Almatyda jaýǵan qardan keıin kóshelerdi tazalaýǵa 1 myńnan astam tehnıka jumyldyryldy

ALMATY. KAZINFORM – Almatyda qar tazalaý jumystary kúsheıtilgen rejımde júrip jatyr.

Almaty ákimdiginiń málimetinshe, qalalyq qyzmetter jol qozǵalysynyń úzdiksizdigin jáne kóshedegi qaýipsizdikti qamtamasyz etý úshin toqtaýsyz jumys istep jatyr.

Qazirgi ýaqytta qar tazalaý jumystaryna 2,7 myń jumysshy, 1,2 myń arnaıy tehnıka, trotýarlar men aýlalardy tazalaýǵa arnalǵan 95 shaǵyn tehnıka jumyldyrylǵan.

— Sonymen qatar joldar men júrginshiler aımaqtaryna kóktaıǵaqqa qarsy materıaldar sebilip jatyr, — delingen habarlamada.

Eske salaıyq, buǵan deıin Almaty turǵyndary qar shyǵarý máselesi boıynsha qaıda habarlasa alatyny týraly jazǵanbyz.