Almatyda jastarǵa tegin ári jasyryn kómek kórsetetin 14 medıtsınalyq ortalyq bar

ALMATY. KAZINFORM - 12-16 mamyr aralyǵynda Prezıdenttiń janyndaǵy  Ulttyq komıssııanyń qoldaýymen Qazaqstanda respýblıkalyq reprodýktıvti densaýlyq aptasy ótip jatyr.

Almaty ákiminiń genderlik másele jónindegi shtattan tys keńesshisi Aıgúl Shalbaeva megapolıste bul aktsııaǵa baılanysty úlken is-sharalar ótetinin atap ótti.

Onyń aıtýynsha, júrgizilgen zertteý AITV týraly jasóspirimderdiń 9 paıyzy ǵana tolyq biletinin kórsetken. Al taǵy 60 paıyzy odan qalaı saqtanyp, júktilikten qalaı qorǵaný kerektigin múldem bilmeıdi.

- Biz osyny ashyq aıtyp, qoǵamnyń kózin ashqymyz keledi. Bul jumysqa mamandardy, dárigerlerdi, júrgizýshilerdi, eriktiler men ata-analardy da tartyp jatyrmyz. Jastar densaýlyǵy ortalyqtarynda ashyq is-sharalar, lektsııalar ótip, jasóspirimdermen áńgimelesip, olarǵa osy júktilik jasy, psıhıkalyq kóńil kúıi týraly jan-jaqty aqparat beriledi, - dedi ol.

Qalada qazir terapevt, gınekolog, ýrolog, dermatolog, áleýmettik qyzmetker, zańger sııaqty 128 mamany bar osyndaı 14 ortalyq jumys istep jatyr.

- Ortalyqtar «4-D» negizdemesimen jumys isteıdi. ıAǵnı, barynsha ashyq bolyp, bir-birine degen senim qalyptasady onda. Bul degen MÁMS aıasynda tegin qyzmet kórsetý, syr aqtaryp, jastardy mazalaǵan másele týraly oı bólisip, suqbattasý degen sóz, - dedi Almatynyń Qoǵamdyq densaýlyq basqarmasynyń ókili Dına Qusaıynova.

Jastar densaýlyǵy ortalyǵynda mynadaı qyzmet kórsetedi:

- Kontratseptsııa, otbasyn josparlaý, AITV týraly keńes beredi;

- Juqpaly aýrýdy anyqtap, ony emdeý;

- Zorlyqqa ushyraǵandarǵa qoldaý kórsetý;

- Adamnyń kóńi kúıine qaraı keńes berip, áleýmettik beıimdeý;

- Zańgerdiń kómegi;

- Aýrýdyń aldyn alý, lektsııalar men trenıngter ótkizý syndy jumystar da bar.

Jastar naqty bir emhanaǵa bekitilmeı-aq ortalyqqa kelip qarala berse bolady. Bárin qupııa ustaǵysy kelgenderdiń jeke basy týraly málimet esh jerde jarııalanbaıdy.

Eske salaıyq, buǵan deıin Densaýlyq saqtaý mınıstrligi elimizdiń densaýlyq saqtaý júıesinde meıirgerlerdiń róli edáýir artqanyn habarlady.