Almatyda jasóspirimder arasynda Rolan Garrosqa irikteý týrnıri ótedi

ASTANA. KAZINFORM — Almaty qalasynda 4-9 tamyz aralyǵynda Ortalyq jáne Batys Azııa elderi boıynsha jasóspirimder arasynda Rolan Garrosqa irikteý saıysy ótedi.

Týrnır Qazaqstan jáne Azııa tennıs federatsııalarynyń qoldaýymen ekinshi ret uıymdastyrylyp otyr. 

Qazaqstan tennıs federatsııasynyń baspasóz qyzmetinen túsken málimetke qaraǵanda, Ortalyq jáne Batys Azııa memleketterinen 17 jasqa deıingi 16 sportshy baq synaıdy. Jarys fınalısteri Japonııada qazanda ótetin týrnırde Frantsııa ashyq chempıonaty — Rolan Garrostyń jalǵyz joldamasy úshin synǵa túsedi.

Bıyl Almatyda Ózbekstan, Qyrǵyzstan, Iordanııa, Iran, Saýd Arabııasy jáne Túrkmenstan elderiniń jas talanttary óner kórsetedi.

Qazaqstan namysyn Rodıon Traıgel, Mansur Saıynov, Ratmır Pýlkevıch, Ańsar Nıetqalıev, Danıel ıÝreklı, Erkejan Jańataeva, Ádııa Omarbek, Lıaısan Nurysheva, Karolına Lıgaı jáne Sofııa Malysheva qorǵaıdy.

Eske sala keteıik, budan buryn Elena Rybakınanyń Monreal týrnıriniń úshinshi aınalymyna joldama alǵanyn jazǵan edik.

17 jastaǵy qazaqstandyq tennısshi alǵash ret chellendjer týrnıriniń shırek fınalyna shyqty.
Anna Danılına Monreal jarysyn jeńispen bastady.