Almatyda jasyl jelekti dárileý jumysy bastaldy

ALMATY. KAZINFORM – Almatyda 7 sáýirden jasyl jelekterdi bıologııalyq dárileý maýsymy bastaldy.

Qalalyq ekologııa jáne qorshaǵan orta basqarmasynyń málimetinshe, bul jumystar aǵashtardyń jaǵdaıyn jaqsartýǵa, olardyń zııankesterge tózimdiligin arttyrýǵa jáne qaladaǵy ekologııalyq tepe-teńdikti saqtaýǵa baǵyttalǵan.

Dárileý jumystary shamamen 2,3 mln jasyl jelekti qamtıdy. Іs-sharalar tıisti lıtsenzııasy bar mamandandyrylǵan merdiger uıymdardyń qatysýymen kezeń-kezeńimen júrgizilmek.

Bıyl dárileý jumystary tórt kezeń boıynsha uıymdastyrylady:

• 7 sáýir – 30 mamyr aralyǵy – birinshi kezeń; 
• 1 maýsym – 30 maýsym – ekinshi kezeń; 
• 5 shilde – 5 tamyz – úshinshi kezeń; 
• 15 tamyz – 20 qyrkúıek – tórtinshi kezeń.

Basqarma ókilderiniń aıtýynsha, jumystar negizinen túngi ýaqytta júrgiziledi. Bul kún sáýlesiniń tikeleı áseri bolmaǵandyqtan, preparattardyń tıimdiligin arttyrýǵa múmkindik beredi.

– Dárileý barysynda qoldanylatyn bıologııalyq jáne qajet bolǵan jaǵdaıda hımııalyq preparattar sertıfıkattalǵan, qaýiptiligi tómen jáne adamdarǵa, qustar men janýarlarǵa qaýipsiz, – dep habarlady vedomstvodan.

Eske salaıyq, naýryz aıynyń sońynda Almatyda kenelerge qarsy dezınsektsııalyq óńdeý jumysy bastaldy.