Almatyda «Jasyl el» jastar jasaǵynyń jumys maýsymy aıaqtaldy
ALMATY. KAZINFORM - Almatyda «Jasyl el» jasaqtarynyń eńbek maýsymynyń jabylý saltanaty ótti. Eńbekte tabandylyq tanytyp kózge túsken stýdentter marapattaldy.
Almaty ákimdiginen málim etkendeı, osy jyldyń qorytyndysy boıynsha 2100 jas ýaqytsha jumyspen qamtyldy. Olar qala aýmaǵynda ártúrli ekologııalyq shara qatysty. Joba Almaty qalasy jastar saıasaty basqarmasynyń qoldaýymen júzege asty.
«Prezıdentimiz Qasym-Jomart Toqaevtyń bastamasymen elimizde «Taza Qazaqstan» jalpyulttyq aktsııasy ótýde. Osy aktsııa aıasynda «Jasyl el 2024» eńbek jasaqtary óz jumysyn abyroımen atqardy dep aıta alamyz. Joba aıasynda Almaty qalasynyń JOO men kolledjderiniń 2100 stýdentin ýaqytsha jumyspen qamtydyq. Kelesi jyly budan da kóp jastardy jumyspen qamtımyz degen oıdamyz. Aıta keteıin, Almaty jastary jyl boıy qalamyzdy kórkeıtýge baǵyttalǵan túrli eko sharalarǵa qatysady jáne jyl saıyn olardyń sany ósip keledi», - dedi Almaty qalasy Jastar saıasaty basqarmasynyń basshysy Azız Kajdenbek.
«Jasyl el» jasaqtary 3 aı boıy Almatynyń barlyq aýdanynda tazalyq jumystaryn júrgizdi.Olar kósheler men saıabaqtardy tazalap, aǵashtar otyrǵyzyp, tabıǵatty qorǵaý sharalaryna belsene aralasty.
Uıymdastyrýshylardyń aıtýynsha, mundaı sharalar tek qala tabıǵatyn jaqsartýǵa ǵana emes, sonymen qatar jas býynnyń ekologııalyq jaýapkershiligin arttyrýǵa múmkindik beredi.
Shara barysynda eńbekte tabandylyq tanytyp kózge túsken stýdentter
marapattaldy.
