Almatyda jas jigitke álimjettik jasaǵan kúdikti ustaldy

ALMATY. KAZINFORM – Áleýmettik jelide Almaty qalasynda er adamnyń jas jigitti soqqyǵa jyqqany týraly vıdeo tarady.

Vıdeodaǵy jazbada kináliler ustalyp, polıtsııaǵa jetkizilgeni habarlanǵan.  

Almaty qalalyq polıtsııa departamenti kúsh qoldaný arqyly ozbyrlyq faktisi boıynsha qylmystyq is qozǵalǵanyn habarlady.

«Kúdikti anyqtalyp, ustaldy. Ol qazir ýaqytsha ustaý ızolıatorynda qamaýda otyr. Tergeý jalǵasyp jatyr» dep habarlady Almaty qalalyq polıtsııa departamentiniń baspasóz qyzmeti.

Sonymen qatar qylmysqa qatysqany úshin vıdeoǵa túsirgen ekinshi adam da ustalyp, ýaqytsha ustaý ızolıatoryna qamaldy.