Almatyda jas qyz joǵary qabattan qulap, qaza tapty

Almatyda jas qyz joǵary qabattan qulap, mert boldy. Polıtsııa sýıtsıd babymen tergeýdi bastady, dep habarlaıdy Kazinform.

Oqıǵa ornyna foto men vıdeo áleýmettik jelide tarady. Onda marqumnyń «Gaýhartas» turǵyn úı kesheniniń joǵary qabatynan sekirip ketkeni aıtylady. Vıdeoda etpetinen jerde jatqan qyzdy kórýge bolady.

Almaty qalalyq Polıtsııa departamentiniń baspasóz qyzmeti atalǵan aqparatty rastady.

«Bul is boıynsha Bostandyq aýdandyq polıtsııa basqarmasy QR Qylmystyq kodeksiniń 105-babymen («Ózin-ózi óltirýge deıin jetkizý») sotqa deıingi tergeýdi bastady. Oqıǵanyń basqa da mán-jaıy anyqtalyp jatyr», – dedi Almaty qalalyq Polıtsııa departamentiniń resmı ókili Saltanat Ázirbek.