Almatyda jartylaı marafonǵa baılanysty birneshe kóshe jabylady

ALMATY. KAZINFORM — Jartylaı marafon 20 sáýir kúni Almatyda ótedi.

«Smelost byt pervym» korporatıvtik qory uıymdastyratyn Almaty Half Marathon-ǵa álemniń 40-tan astam elinen 10 myńǵa jýyq adam qatysady dep josparlanǵan. Marafon birneshe qashyqtyq boıynsha ótedi: 21,1 km (jartylaı marafon), 10 km, sondaı-aq skandınavııalyq júristen 10 km jáne Ekıden komandalyq estafetasy.

Jarys joly Tuńǵysh Prezıdent saıabaǵynan bastalyp, odan ári Ál-Farabı dańǵylymen ótip, Ortalyq stadıonda aıaqtalady. Marafon ýaqytynda megapolıstiń keıbir kóshelerinde kólik qozǵalysy ýaqytsha shekteledi:

00:00–11:00 aralyǵynda Ál-Farabı dańǵylynyń soltústik jaǵy — Mustafın kóshesinen Navoı kóshesine deıin jabylady. Ońtústik jaǵy ashyq qalady.

06:45–09:30 aralyǵynda Ál-Farabı dańǵylynyń soltústik jaǵy — Mustafın-Nazarbaev kósheleriniń arasy jabylady.

07:10–08:30 aralyǵynda Seıfýllın dańǵyly — Ál-Farabı dańǵylynan Abaıǵa deıin tolyqtaı jabylady.

08:30–11:00 aralyǵynda Abaı dańǵylynyń ońtústik jaǵy — Saın kóshesinen Baıtursynov kóshesine deıin jabylady. Soltústik bóligi ashyq bolady.

07:20–09:00 aralyǵynda Abaı dańǵylynyń ońtústik jaǵy — Seıfýllın dańǵylynan Baıtursynov kóshesine deıingi bóligi jabylady.

08:20–10:00 aralyǵynda Saın kóshesiniń shyǵys jaǵy — Ál-Farabı dańǵylynan Abaıǵa deıin jabylady. Batys jaǵy ashyq bolady.

Eske salaıyq, byltyr Almaty marafony 29 qyrkúıek kúni ótti.