Almatyda jaryq joqtyǵyna shaǵymdanǵan turǵyndar kósheni jappaq boldy
ALMATY. KAZINFORM — Almatyda birneshe turǵyn úıdiń turǵyndary narazylyq bildirip, kóshege shyqty.
Áleýmettik jelide taraǵan beınejazbadan jaryqtyń sónýine narazylyq bildirgen turǵyndardyń Tóle bı kóshesin jappaq bolǵanyn kórýge bolady. Jelidegi málimet boıynsha oqıǵa ornynda River City, New Life jáne Adele turǵyn úı keshenderiniń turǵyndary bolǵan.
Atalǵan jaǵdaıǵa baılanysty «Alataý Jaryq Kompanııasy» AQ (AJK) túsinikteme berdi. Olardyń jaýabyna sáıkes, 2026 jyldyń 22 maýsymyndaǵy jaǵdaı boıynsha «Qazag Stroy Almaty» JShS uıymynyń «AJK» AQ-nyń «Energosbyt» fılıaly aldynda elektr energııasy úshin 60 749 265,44 teńgege bereshegi bar. Bul qaryz keıingi 4 aı boıy tólemderdiń júrgizilmeýine baılanysty jınalǵan. Sondyqtan májbúrli sheshim retinde «Qazag Stroy Almaty» JShS-nyń turǵyn úı kesheninderinde kúndizgi ýaqytta jaryq óshirile bastaǵan.
— «Alataý Jaryq Kompanııasy» AQ elektr energııasyn óndirýshi uıymdar aldyndaǵy óz mindettemelerin ýaqtyly oryndaýǵa jaýapty. Tólemderdiń ýaqytyly túspeýi júıeniń turaqty jumysyn qamtamasyz etýge qosymsha qarjylyq júkteme túsiredi. Osyǵan baılanysty elektr energııasyn shekteý sharalary tek eń sońǵy jáne májbúrli sheshim retinde qoldanyldy, — dep habarlady «AJK» ókilderi.
Sonymen qatar kompanııa árbir turǵynnyń jeke tólemi týraly aqparat joq ekenin habarlady.
— Sebebi ishki elektr jelileri qurylys salýshynyń nemese basqarýshy uıymnyń teńgeriminde bolady. Tólemderdi esepteý jáne jınaý da sol uıymdar arqyly júzege asyrylady, — delingen jaýapta.
Eske salaıyq, elde elektr jáne jylý jelilerin jańǵyrtýǵa 22 mlrd teńge jumsalady.
