Almatyda jaryq óshýine baılanysty 9 baldyq keptelis paıda boldy
ALMATY. KAZINFORM — Almatynyń 4 aýdanynda jaryq óship, negizgi kóshelerdiń barlyǵynda derlik baǵdarshamdar jumys istemeı qaldy.
Búgin saǵat 16:20–daǵy jaǵdaı boıynsha qala kóshelerinde 9 baldyq keptelister paıda boldy. Baǵdarshamdardyń jumys istemeýine baılanysty kóshelerde kólik qozǵalysy qıyndady.
Ál-Farabı, Abaı, Raıymbek dańǵyldary, Seıfýllın, Tóle bı, Jeltoqsan, Jandosov, Sátpaev syndy negizgi kóshelerdiń barlyǵy kartada qyzyl ne qoıý qyzyl túske boıalǵan.
Sondaı-aq almatylyq júrgizýshiler úshin qala ortalyǵynda birneshe kóshede kólik qozǵalysyna shekteý qoıylýy jaǵdaıdy tipti qıyndatty. Eske salaıyq, búgin Kane Ýest kontsertine baılanysty Abaı dańǵyly Muqanov kóshesinen deıin Seıfýllın dańǵylyna deıin, Sátbaev kóshesi Baızaqov kóshesinen Seıfýllın dańǵylynan deıin, Baıtursynov kóshesi Shevchenko kóshesinen Tımırıazev kóshesine deıin jabyldy.
Buǵan deıin Almaty men Almaty oblysynyń basym bóligin jaryq óshkenin jazǵanbyz. «Alataý Jaryq Kompanııasy» AQ málimetinshe, 2026 jyldyń 14 tamyzynda saǵat 14:38–de «KEGOC» AQ-ǵa tıesili áýe elektr jelilerinde avarııalyq óshýdiń bolýyna qaraı «AJK» jelilerinde avarııalyq óshýge qarsy avtomatty júıe iske qosyldy. Nátıjesinde Almaty qalasy men oblystyń tutynýshylaryna elektr energııasyn berý toqtatyldy.
Aıta keteıik, Energetıka mınıstrligi Qazaqstannyń keı óńirlerindegi elektrdiń ajyratylýyna túsinikteme berdi.
