Almatyda jaryq óshkennen keıin sý berý toqtady
ALMATY. KAZINFORM – Almatynyń jaryq óshken aýmaqtarynda sý jabdyqtaý jelileriniń jumysy nasharlady.
Búgin saǵat 14:38-de Almaty qalasy men Almaty oblysynyń basym bóliginde jaryq óshti. Oǵan «KEGOC» AQ-ǵa tıesili áýe elektr jelilerinde avarııalyq óshý sebep boldy.
Elektr energııasynyń bolmaýynan qala kóshelerdegi baǵdarshamdar isten shyǵyp, kólik qozǵalysy qıyndady. Qalada keptelis kúsheıdi.
Sondaı-aq elektr energııasynyń óshýi megapolıstiń sýmen jabdyqtaý júıesine de áser etti. Jaryqsyz qalǵan qala aýdandarynda ystyq ystyq sý óship, sýyq sýdyń qysymy tómendedi ne múldem joǵaldy. Bul jaǵdaı ásirese, kóppáterli turǵyn úı keshenderinde baıqalǵan.
Eske salaıyq, qazirgi ýaqytta «Alataý Jaryq Kompanııasy» AQ qyzmetkerleri elektr energııasyn qalpyna keltirý úshin jumys istep jatyr.
