Almatyda járdemaqy almaı qalǵan onkologııalyq naýqastardyń quqyqtary qorǵaldy

ALMATY. KAZINFORM — Almatyda onkologııalyq naýqastardy áleýmettik járdemaqy alý múmkindiginen aıyrǵan emhana basshylary jaýapqa tartyldy. 

Almaty prokýratýrasynyń málimetinshe, onkologııamen aýyratyn naýqastar járdemaqy alý múmkindiginen aıyrylǵan. 

— Qala prokýratýrasy onkologııamen aýratyn naýqastarǵa múgedektikti rásimdemeı, kepildendirilgen áleýmettik járdemaqy alý múmkindiginen aıyrǵan birneshe emhanany anyqtap, onyń jolyn kesti, - dep habarlady prokýratýradan.

Qadaǵalaý aktisi boıynsha qalalyq emhanalardyń 9 basshysy tártiptik jaýapqa tartyldy, 8 patsıentke І-top múgedektigi berildi. 

Osyǵan deıin almatylyq prokýrorlar 31 ınvestorǵa negizsiz eseptelgen salyq tólemderin qaıtarǵan edi. 

Budan bólek, Almatydaǵy aýyr mashına jasaý zaýytynyń jyljymaıtyn múlki memleketke qaıtarylǵany týraly jazǵanbyz.