Almatyda jappaı ýlanyp, aýrýhanaǵa túsken oqýshylardyń sany 55-ke jetti
ALMATY. KAZINFORM — Respýblıkalyq fızıka-matematıka mektebiniń taǵy tórt oqýshysy Almatydaǵy ınfektsııalyq aýrýhanaǵa jatqyzyldy.
12-15 qazan aralyǵynda Respýblıkalyq fızıka-matematıka mektebiniń 55 oqýshysy jiti ishek ınfektsııasynyń belgilerimen Balalar qalalyq klınıkalyq ınfektsııalyq aýrýhanasyna jatqyzylǵan.
— Barlyq balaǵa qajetti medıtsınalyq kómek tolyq kólemde kórsetilip jatyr. Olardy emdeýge barlyq jaǵdaı jasaldy. Naýqastar medıtsına mamandarynyń turaqty baqylaýynda. Qazirgi ýaqytta aýrýhanaǵa jatqyzylǵan balalardyń jaǵdaıy turaqty. Jansaqtaý sharalaryn qajet etetin jaǵdaılar tirkelgen joq, — dep habarlady qalalyq densaýlyq saqtaý basqarmasynyń baspasóz qyzmeti.
Eske salaıyq, 14 qazanda RFMM-niń 48 oqýshysy jiti ishek ınfektsııasynyń belgilerimen aýrýhanaǵa jatqyzylǵany habarlandy.
Keıin RFMM ákimshiligi oqýshylardyń aýrýhanaǵa túsýine baılanysty túsinik berdi. 14–16 qazan aralyǵynda mektep sabaqtary onlaın formatta ótedi.
Sondaı-aq atalǵan derek boıynsha Bostandyq aýdandyq polıtsııa basqarmasy janyndaǵy polıtsııa bóliminde qylmystyq is qozǵaldy.
