Almatyda jappaı tóbeleske qatysqandar qamaýǵa alyndy

ALMATY. KAZINFORM — Almaty polıtsııasy ishimdik iship, tóbeleskenderge qatysty qylmystyq is qozǵady. 

Qalalyq polıtsııa departamentinen málim etkendeı, atalǵan derek boıynsha qylmystyq isti Bostandyq aýdandyq polıtsııa basqarmasy qozǵady.

— Jappaı tóbeleske qatysqan kúdiktiler ýaqytsha ustaý ızolıatoryna qamaldy, — dep habarlady polıtsııadan.

Osyǵan deıin Almatyda bir top jigit er adamdy soqqyǵa jyqqany týraly jazǵan edik. Atalǵan jaǵdaı boıynsha «102» pýltine eshqandaı qońyraý túspegen. Quqyq buzýshylyq «Buran-142» jáne «Buran-137» patrýldik ekıpajdary qyzmet kórsetý aýmaǵyn patrýldeý barysynda anyqtaǵan. 

Osyǵan deıin Almatyda polıtsııaǵa qarsylyq kórsetken bir top adam ustalǵan bolatyn.