Almatyda jappaı tóbeles kezinde eki jasóspirim mert boldy
ALMATY. KAZINFORM – Almatyda jasópirimder arasynda jappaı tóbeles bolyp, janjalǵa qatysqandar bir-birine pyshaq siltegen.
Jelidegi málimet boıynsha kıkiljiń qaladaǵy kompıýter klýbtarynyń birinde týyndaǵan. Jasópirimder ózara daýdy dalaǵa shyǵyp sheshpek bolǵan, onyń sońy tóbeleske ulasqan.
Almaty qalasynyń Polıtsııa departamenti jastar arasyndaǵy janjal barysynda kisi óltirý deregi boıynsha qylmystyq is qozǵalǵanyn habarlady. Jedel-izdestirý sharalarynyń nátıjesinde barlyq kúdiktiler anyqtalyp, ýaqytsha ustaý ızolıatoryna qamalǵan.
- Oqıǵaǵa qatysy bar barlyq tulǵalar anyqtalyp, polıtsııaǵa jetkizildi. Sotqa deıingi tergep-tekserý aıasynda olardyń árqaısysynyń áreketine quqyqtyq baǵa berilip, oqıǵaǵa qatysy aıqyndalady. Qazirgi ýaqytta bolǵan oqıǵanyń mán-jaıyn tolyq jáne obektıvti anyqtaýǵa baǵyttalǵan tergeý áreketteri júrgizilip jatyr, - dep habarlady departamentten.
Tergeý barysy Qazaqstan Respýblıkasy Іshki ister mınıstrligi men Almaty qalasy Polıtsııa departamenti basshylyǵynyń erekshe baqylaýynda.
Eske salaıyq, Aqtóbede munaıshylar tóbelesip, bireýi pyshaq jaraqatyn aldy.
