Almatyda jańǵyrtý jumystarynan keıin «Medeý» qalaı ózgeredi
ALMATY. KAZINFORM — Almatyda «Medeý» muz aıdynynyń ınjenerlik jelilerin jańǵyrtý jumystary júrip jatyr.
Almaty qalasy Qurylys basqarmasynyń basshysy Nurbol Nursaǵatovtyń aıtýynsha, ıÝNESKO-nyń Búkilálemdik murasynyń aldyn ala tizimine engen nysannyń ishki júıelerin zaman talabyna saı jetildirý barysynda onyń tarıhı sáýletin qaz-qalpynda saqtap qalý talaby qatań eskeriledi.
Joba aıasynda 10,5 myń sharshy metr bolatyn muz aıdynynyń tehnologııalyq plıtasy men salqyndatý júıesi túbegeıli jańartylmaq. Jańa qondyrǵylar kún +15°C-qa deıin jylynsa da, muzdyń sapasyn minsiz deńgeıde ustap turýǵa qaýqarly bolady.
Sonymen qatar ınjenerlik jumystar keshenniń únemdiligin arttyrady. Jumysardy avtomattandyrý jáne jylytý júıesin gazǵa kóshirý arqyly energııa tutyný kólemi 25–30%-ǵa azaıady.
— Sporttyq ınfraqurylym da halyqaralyq talaptarǵa saı qaıta jasaqtalyp jatyr. Shyǵys minberdiń astynan tóreshiler bólmesi, dopıng-baqylaý aımaǵy jáne árqaısysy 50 sharshy metrlik 8 arnaıy kıim aýystyrý orny ashylady. Al jańartylǵan «Medeý» qonaqúıi bir mezette 140 sportshyny qabyldaı alady, — dedi vedomstvo basshysy.
Eske salaıyq, «Medeý» muz aıdyny 2025 jylǵy syrǵanaý maýsymynan keıin jabyldy.
Keıin «Medeýdi» jańǵyrtý jumystary 2027 jyly aıaqtalatyny habarlandy.
