Almatyda jáne taǵy úsh qalada aýa sapasy nasharlaıdy
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 21 qazanda Atyraý, Almaty, túnde Jezqazǵan qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, búgin elimizdiń 17 oblysy men Astana qalasynda aýa raıyna qatysty eskertý jarııalandy.
Buǵan deıin Qanat Bozymbaev Atyraý ekologııasyna qatysty bir aıda naqty sheshim qabyldaýdy tapsyrdy.
Al Almatyda 2040 jylǵa deıin ekologııaǵa áser etetin 276 kásiporyn qaladan shyǵarylady.
