Almatyda jáne oblysta qaryzy bar turǵyndaryń jaryǵy óshirile bastaıdy
ALMATY. KAZINFORM – Almaty qalasy jáne Almaty oblysynda elektr energııasy úshin qaryzy bar tutynýshylarǵa qatysty jaryqty shekteý nemese tolyq óshirý sharalary qolǵa alynýy múmkin.
«Alataý Jaryq Kompanııasy» AQ-nyń «Energosbyt» fılıalynyń málimetinshe, 2026 jylǵy 1 maýsymdaǵy jaǵdaı boıynsha Almaty qalasy men Almaty oblysy tutynýshylarynyń elektr energııasy úshin jalpy bereshegi shamamen 34 mlrd teńgege jetken.
Kompanııa ókilderi mundaı qaryzdyń jınalýy óńirdiń energetıkalyq júıesiniń turaqty jumysyna qaýip tóndiretinin aıtyp otyr.
– Tólemderdiń ýaqytyly túspeýi elektr energııasyn jetkizýshilermen esep aıyrysýǵa jáne energııa júıesiniń úzdiksiz jumysyn qamtamasyz etýge qajetti qarajattyń jetispeýine ákeledi. Osyǵan baılanysty 2026 jylǵy 8 maýsymnan bastap merzimi ótken bereshegi bar tutynýshylarǵa qatysty elektr energııasyn berýdi shekteý jáne (nemese) toqtatý sharalary bastalady, - delingen habarlamada.
«Energosbyt» fılıaly bul sharalar qoldanystaǵy zańnama men elektrmen jabdyqtaý sharttarynyń talaptaryna sáıkes júrgiziletinin habarlady.
Kompanııa málimetinshe, Almatydaǵy eń iri boryshkerler qatarynda birqatar turǵyn úı keshenderi men shaǵynaýdandar bar. Olardyń ishinde:
• «Alma Sıtı» TK – 306,2 mln teńge;
• «Shuǵyla» TK – 175,4 mln teńge;
• «Jas Qanat» TK – 122,9 mln teńge;
• «Alataý Sıtı» TK – 105,4 mln teńge;
• «Krıstall» TK – 82 mln teńge;
• «Adel» TK – 73,6 mln teńge;
• «Alem City» TK – 71,6 mln teńge;
• «Qargaly City» TK – 54,6 mln teńge;
• «12 mesıatsev» TK – 48,6 mln teńge;
• «Mıras» TK – 40,6 mln teńge.
Sondaı-aq tizimde Ermensaı yqshamaýdany, Esentai City, Dragon City, «Dom na Abaıa», «Ojet», «Altyn Bulaq-1», AFD Plaza, «Han Táńiri» jáne basqa da turǵyn úı keshenderi bar.
Almaty oblysynda eń iri qaryz ıeleri qatarynda «Domus Qazagstan» JShS (93,5 mln teńge), «Newgen Electrical» JShS (67,3 mln teńge), «Semireche» JShS (36 mln teńge), «Exclusive Home 2» JShS (23,5 mln teńge) jáne basqa uıymdar atalǵan.
Eske salaıyq, buǵan deıin elde elektr energııasyn tutyný qanshalyqty óskeni týraly jazǵan edik.
