Almatyda jańbyrdan keıin sý tasqyny bolýy múmkin – TJD

ALMATY. KAZINFORM – Almaty ózenderinde sý deńgeıi kóterilýi múmkin.

Almaty qalalyq tótenshe jaǵdaılar departamenti taratqan málimetke sáıkes, 23 - 24 mamyr aralyǵynda qatty jaýyn jaýyp, taýly aımaqtarda sý deńgeıiniń kóterilýi yqtımaldylyǵy joǵary.

– Ózen-kólderde sý deńgeıi kóteriledi. Osyǵan oraı, almatylyqtardy jaqyn ornalasqan aryqtar men kanaldardy qoqystan tazartýǵa shaqyramyz, – delingen habarlamada.

Sondaı-aq tótenshelikter qala turǵyndary men qonaqtaryna taýǵa attanbaýǵa keńes berdi.
«Qazgıdromet» kásiporyny taratqan derekterge qaraǵanda, búgin Qazaqstannyń basym bóligine soltústik-batys tsıklony áserin tıgizedi. Sonyń saldarynan jańbyr jaýyp, elimizdiń soltústiginde, soltústik-batysynda qatty jańbyr jaýady.

Respýblıka boıynsha naızaǵaı oınap, burshaq jaýady, daýyl turyp, jel kúsheıedi. QR ońtústiginde, ońtústik-shyǵysynda shańdy daýyl turady.