Almatyda jańbyr jaýyp, naızaǵaı oınaıdy: kommýnaldyq qyzmet kúsheıtilgen rejımge kóshti

ALMATY. KAZINFORM – Kún raıynyń buzylýyna baılanysty Almatynyń kommýnaldyq qyzmeti kúsheıtilgen jumys rejımine kóshti.

Qazgıdromettiń boljaýynsha, Almatyda 5-6 sáýir aralyǵynda nóser jaýyn jaýyp, naızaǵaı oınap, jeldiń ekpini sekýndyna shamamen 15-20 metrge jetedi.Taýly aımaqta qar aralas jańbyr jaýýy yqtımal.

Osyǵan baılanysty qalanyń kommýnaldyq qyzmet kúsheıtilgen rejımde jumys isteıdi.

– Yqtımal sý basýdyń aldyn alý jáne saldaryn joıý maqsatynda kommýnaldyq qyzmettiń, qutqarý qyzmeti men TJD-nyń barlyq tehnıkasy ázir. 4200 qap qum daıyndalǵan. Sý basýy múmkin ýchaskede túngi ýaqyttan bastap assenızator mashınasy men motopompa jabdyqtalǵan brıgadalar kezekshilik atqarady, – dep habarlady ákimdikten.

Sonymen qatar jaýyn-shashyn kezeńinde jergilikti sý basýdyń aldyn alý jáne olardy joıý úshin motopompalar men arnaıy quraldarmen jabdyqtalǵan jedel brıgadalar jumys isteıdi.

Buǵan deıin Tasqyn júıesi 251 ózenniń sý deńgeıin baqylap otyrǵany týraly jazǵan edik.