Almatyda janarmaı quıý beketinde pyshaqpen júrgen áıel ustaldy

Almatyda túngi ýaqytta janarmaı quıý beketinde pyshaq ustap júrgen áıel vıdeoǵa túsip qaldy, dep habarlaıdy Kazinform.

Pyshaq ustaǵan áıeldiń vıdeosy áleýmettik jelige shyqty.

«Halyq arenanyń janyndaǵy janarmaı quıý beketinde pyshaq ustaǵan áıel júr, oqıǵanyń mán-jaıy anyqtalýda», - delinedi vıdeodaǵy jazbada.

Almaty qalalyq polıtsııa departamenti pyshaq ustaǵan áıeldiń ustalǵanyn habarlady.

"Áıel ustaldy jáne patrýldik polıtsııa ekıpajymen Medeý aýdandyq polıtsııa basqarmasy janyndaǵy bólimge jetkizildi. Ol ózin durys ustaǵan joq. Áıel bilikti kómek alý úshin psıhologııalyq beıindegi dárigerlerge jiberildi", - dep habarlady qalalyq polıtsııa departamentiniń baspasóz qyzmeti.