Almatyda janarmaı tıelgen júk kóligi órtendi

Almatyda janar-jaǵarmaı tıegen júk kóligi órtendi. Júrgizýshi janarmaı quıý stantsııasynan kólikti qaýipsiz orynǵa súırep úlgergen, dep habarlaıdy QazAqparat tilshisi.

Onyń vıdeosy áleýmettik jelide tarady. 

Almaty qalalyq tótenshe jaǵdaılar departamenti ókilderiniń habarlaýynsha, órt túski saǵat 11:14-te shyqqan.

«Órt sóndirý qyzmetiniń kezekshi bólimine Túrksib aýdany Buryndaı kóshesi, 79 V úıdiń janyda órt shyqqany týraly habar tústi. Órt sóndirýshiler quramynda 13 adam, 2 tehnıkamen oqıǵa ornyna jetkende GAZ 47-532 112 júk avtokóligi ashyq jalynmen janyp jatty. Janǵan avtokóliktiń júrgizýshisi janarmaı quıý stantsııasynan kólikti qaýipsiz orynǵa súırep úlgergen», - dep habarlady vedomstvodan.

Órt sóndirýshiler janyp jatqan kólikten segiz bóshkeni evakýatsııalady, onyń úsheýi janarmaıǵa toly bolǵan.

«Órt sóndirýge jáne qyzǵan qurylymdardy salqyndatýǵa quramynda kóbigi bar órt oqpandaryn engizip, qyzyl jalyn 11:35-te sóndirildi» - dep atap ótti departamentten.