Almatyda jańadan salynǵan oqýshylar úıi kóktemde paıdalanýǵa beriledi

ALMATY. KAZINFORM – Almatydaǵy jańadan boı kótergen oqýshylar úıiniń kúnine 400 balany qamtýǵa múmkindigi bar. Bul týraly Almaly aýdanynyń turǵyndarymen kezdesý barysynda Erbolat Dosaev málimdedi.

Aıtýynsha, oqýshylar úıi 1951 jyly salynǵan eski ǵımarattyń ornyna turǵyzyldy.

– Jambyl kóshesi, 170A mekenjaıynda jańa, zamanaýı oqýshylar úıi paıda boldy. Bul kún saıyn 400 balaǵa deıin 2,5 ese kóp bilim berýge múmkindik beredi. Ortalyqta qaýipsizdiktiń, qoljetimdiliktiń jáne jaraqtandyrýdyń barlyq standarttaryn eskere otyryp, qolaıly jaǵdaılar jasalatyn bolady. Robototehnıka, ІT, horeografııa, sýret salý, oıyn alańdary, amfıteatr jáne basseın stýdııalary ashylady,– dedi Almaty ákimi. 

Shahar basshysynyń sózinshe, jańa oqýshylar úıi 2025 jyldyń naýryz aıynda ashylady.
Osyǵan deıin Almatyda apatty dep tanylǵan oqýshylar úıiniń ornyna jańasy salynyp jatqany týraly jazǵan bolatynbyz. 

Jalpy, Almatyda qosymsha bilimmen 300 myńnan astam bala qamtylǵan. Onyń ishinde 19 memlekettik bilim berý uıymdarynda 28680 bala, 102 jekemenshikte memlekettik bilim berý tapsyrysy boıynsha — 7570, mektepterde — 112851, «Damý bala» baǵdarlamasy boıynsha — 90988, aqyly negizde — 62 myńǵa jýyq bala aınalysady.