Almatyda Jańa jyl túni qalaı ótti - polıtsııa derekteri

ALMATY. KAZINFORM - Almaty polıtsııasy Jańa jyl túninde bolǵan oqıǵalar jónindegi málmetterdi jarııalady.

Polisia.kz taratqan derekterge qaraǵanda, qaladaǵy azamattar kóp jınalatyn oryndar men mádenı-oıyn-saýyq sharalary ótetin jerler erekshe baqylaýǵa alyndy.

Sońǵy táýlikte qalada 3 múliktik qylmys jasaldy. Olardy patrýldik polıtseıler «izin sýytpaı» anyqtady.

Sondaı-aq, Almaty joldarynda polıtseıler 5 mas júrgizýshini ustap, olardyń kólik júrgizý quqyǵyn shektedi.

Jańa jyl qarsańynda polıtsııa qyzmetkerleri kúsheıtilgen qyzmet rejımine kóshkenin habarlaǵan edik.

Qalada patrýldik ekıpajdardyń sany ulǵaıtylyp, qyzmet kórsetý marshrýttary kúsheıtildi, jaıaý patrýldik qyzmetke Ulttyq ulannyń 300 áskeri tartyldy.