Almatyda Jańa jyl qarsańynda polıtsııa jasaqtarynyń sany artty
ALMATY. KAZINFORM — Jańa jyldaǵy mereke kúnderi Almatynyń kommýnaldyq jáne apattyq qyzmeti kúsheıtilgen rejımde jumys isteıdi.
Mereke kúnderi, 2026 jyly 1-4 qańtar aralyǵynda, Almatynyń kommýnaldyq, apattyq jáne jedel qyzmeti kúsheıtilgen rejımde jumys isteıdi.
Qala ákimdiginiń habarlaýynsha, bul sharalar ınjenerlik ınfraqurylymnyń úzdiksiz jumysyn qamtamasyz etý jáne tótenshe jaǵdaıda jedel áreket etý maqsatynda qabyldandy.
Mereke kúnderi jylý, sý, elektr jáne gazben jabdyqtaý, jedelsaty sharýashylyǵy, kóshe jáne aýlaishilik jaryqtandyrý, sondaı-aq jol men aýla aýmaǵyn kútip ustaý baǵyttary boıynsha tıisti qyzmetterdiń táýlik boıǵy kezekshiligi uıymdastyryldy. Barlyq jumyldyrylǵan uıymnyń jumysyn úılestiretin qalalyq shtab jumys isteıdi.
Turǵyndar úshin mereke kúnderi tómendegi jedel jáne apattyq baılanys nómirleri qoljetimdi bolady:
TJD qutqarý qyzmeti: 109;
Kommýnaldyq ınfraqurylymdy damytý jáne turǵyn úı ınspektsııasy basqarmasy
(PIK, MIB jumysy, aýlalardy tazalaý jáne apattyq jaǵdaı máseleleri boıynsha):
+7 (727-22) 5-14-31, +7 (707-01) 8-08-46, +7 (747-13) 2-23-52;
Kommýnaldyq ınfraqurylymdy damytý jáne turǵyn úı ınspektsııasy basqarmasy
(jedelsaty, qazandyq jáne gaz jabdyǵy máselesi boıynsha):
+7 (727-39) 0-28-19, +7 (701-34) 4-74-87;
«Alataý Jaryq Kompanııasy» AQ (elektrmen jabdyqtaý):
+7 (727-35) 6-99-99, +7 (701-41) 0-88-56;
«Almaty jylý júıesi» JShS (jylytý jáne ystyq sýmen jabdyqtaý):
+7 (727-37) 8-06-48;
«Almaty Qala Jaryq» AQ (kóshe jáne aýlaishilik jaryqtandyrý):
+7 (727-39) 0-20-40, +7 (727-39) 0-20-60;
«Almaty Sý» ShJQ MKK (sýyq sýmen jabdyqtaý jáne káriz júıesi):
+7 (727-27) 4-66-66, +7 (727-27) 4-24-20, +7 (771-85) 2-91-01;
«QazGaz Aımaq» AQ (gazben jabdyqtaý):
+7 (778) 959-47-67.
Almaty ákimdigi turǵyndardy qaýipsizdik sharalaryn saqtaýǵa jáne oqys jaǵdaı týyndaǵan kezde kezekshi qyzmetterge jedel túrde júginýge úndedi.
Sonymen qatar Jańa jyl qarsańynda jáne mereke kúnderi Almatyda qoǵamdyq tártip pen jol qaýipsizdigin qamtamasyz etý sharalary kúsheıtildi. Bul týraly Almaty polıtsııa departamenti Ákimshilik polıtsııa basqarmasynyń bastyǵy, polıtsııa polkovnıgi Serik Shýmaev málimdedi.
Onyń aıtýynsha, adamdar kóp jınalatyn oryndarda, qala kóshelerinde jáne turǵyn alaptarda polıtsııa jasaqtary men patrýldik ekıpajdardyń sany arttyrylǵan.
— Almaty polıtsııasy kúsheıtilgen qyzmet atqarý rejımine kóshti. Qyzmetkerlerimiz kóshelerde, qoǵamdyq oryndarda jáne joldarda qoǵamdyq qaýipsizdikti qamtamasyz etip, qala turǵyndary men qonaqtarynyń merekeni tynysh ári qaýipsiz ótkizýi úshin táýlik boıy qyzmet etip jatyr, — dedi Serik Shýmaev.
Mereke kúnderi quqyq buzýshylyqtardyń aldyn alýǵa, qoǵamdyq oryndardaǵy tártipti saqtaýǵa, sondaı-aq balalar men kámeletke tolmaǵandardyń qaýipsizdigine erekshe nazar aýdarylady.
— Qala turǵyndaryn qoǵamdyq tártip erejelerin saqtaýǵa, turǵyn aýlalarda tynyshtyqty buzbaýǵa, balalar men qarttardyń qaýipsizdigine jaýapkershilikpen qaraýǵa shaqyramyz, — dedi polıtsııa ókili.
Eske salaıyq, buǵan deıin Almaty halyqaralyq áýejaıy jańajyldyq merekeler kezinde kúsheıtilgen rejımde jumys isteıtinin habarlaǵan edik.