Almatyda jańa úlgidegi kólik turaqtary paıda bolady
ALMATY. KAZINFORM —Almatynyń eki aýdanynda jańa úlgidegi kedergisiz turaqtar iske qosylady.
«Almaty parkıng» mekemesinen málim etkendeı, 5 jeltoqsannan bastap Jetisý aýdanyndaǵy «Adem», «ıAlıan», «Alataý -1», «Batyr», «Almaly», «Olja» saýda oratylqtary men «Barys» bazary, sondaı-aq ál-Farabı dańǵylynyń soltústiginde ornalasqan «Nurly Taý» bıznes ortalyq aldynda alańdyq úlgidegi kólik turaqtary iske qosylady.
Sonymen qatar, ál - Farabı, Jeltoqsan kóshesiniń shyǵysynda Bostandyq aýdanynda kedergisiz turaq júıesi jumys isteıtin bolady.
— Shlagbaýmsyz avtoturaq júıesi mashınalardyń kirýi men shyǵýyn baqylaý úshin zamanaýı foto jáne beınekameralaryn paıdalanady. Avtoturaqqa kirgen kezde kamera avtomatty túrde kóliktiń memlekettik nómiri men kelý ýaqytyn tirkeıdi. Sol sııaqty shyǵý ýaqyty da belgilenedi. Bul avtoturaqtyń uzaqtyǵyn dál eskerýge múmkindik beredi jáne shlagbaým aldynda toqtaý qajettiligin boldyrmaıdy, bul ýaqytty edáýir qysqartady jáne kezekterdi joıady, — dep habarlady «Almaty parkıng» ShJQ KMK
Kompanııadan atap ótkendeı, avtoturaqtyń bul túrin iske qosý myńdaǵan júrgizýshige kún saıyn ýaqytty únemdeýge jáne kirý men shyǵýdaǵy keptelisterdi boldyrmaýǵa múmkindik beredi. Jyldam tóleý úshin nusqaýlyq taqtaıshalary men QR kodtary protsesti tezdetedi.
Kommýnaldyq avtoturaqtarda aldyn ala tólengen tólem júıesi bar. Júrgizýshilerge birneshe yńǵaıly tásil usynylady:
— «Almaty avtoturaqtary» mobıldi qosymshasy: iOS jáne Android qurylǵylary úshin qoljetimdi. Qoldanbada «aldyn ala tólemdi» nemese «keıingi tólemdi» tańdaýǵa bolady (aǵymdaǵy kúnniń 23:59 deıin).
— Saıt Almaty-parking.kz: avtoturaqty tirkeýsiz onlaın tóleýge múmkindik beredi.
— SMS-tólem: Kcell, Activ, Beeline, Tele2, Activ abonentteri 1309 nómirine SMS jibere alady jáne mobıldi shottyń balansynan tóleı alady.
— Kassa24 jáne Qiwi termınaldary: qolma-qol esep aıyrysýdy qalaıtyndar úshin.
— Banktik qosymshalar: ekinshi deńgeıli bankterdiń mobıldi qosymshalary arqyly tóleý.
— Kedergisiz turaq júıesin engizý qalalyq ınfraqurylymdy jaqsartýdyń jahandyq strategııasynyń bóligi bolyp tabylady. Jaqyn arada almatylyqtarǵa yńǵaıly bolý úshin mundaı júıe qalanyń kóptegen kommýnaldyq turaqtarynda ornatylady.Barlyq suraq boıynsha turǵyndar kún saıyn saǵat 08:00-den 20:00-ge deıin +7 (727) 390-8000 telefony boıynsha call-ortalyqqa júgine alady,— delingen habarlamada.
Osyǵan deıin ákimderge avtoturaqtardy uıymdastyrý quzyreti beriletini týraly jazǵan bolatynbyz.