14:06, 31 Qańtar 2025 | GMT +5
Almatyda jańa týǵan sábıin úıdiń kireberisine tastap ketken ana izdestirilýde
ALMATY. KAZINFORM — Jańa týǵan qyz balany Chernyshevskıı kóshesindegi úılerdiń biriniń turǵyndary taýyp aldy.

— Náreste qazir aýrýhanada jatyr. Atalǵan derek boıynsha Túrksib aýdandyq polıtsııa basqarmasy qylmystyq is qozǵady. Sábıdiń anasynyń kim ekenin anyqtaýǵa baǵyttalǵan jedel is-sharalar júrgizilip jatyr, — dep habarlady polıtsııadan.
Eske salsaq, byltyr Almatyda qoqystan jańa týǵan náresteniń denesi tabylǵany habarlanǵan bolatyn.
Sondaı-aq Qaraǵandyda sábıin qoqys jáshigine tastap ketken ana tabylǵanyn jazǵan edik.
Budan bólek, Qaraǵandyda aıazdy kúni náresteni dalaǵa tastap ketken erkek pen áıel tabylǵany aıtylǵan edi.