Almatyda jańa týǵan sábıin tastap ketken áıel ustaldy

ALMATY. KAZINFORM – Almatyda jańa týǵan sábıin úıdiń kireberisine tastap ketken ana tabyldy.

– Jedel-izdestirý sharalarynyń nátıjesinde jańa týǵan qyz balanyń anasy kim ekeni anyqtaldy. Ol ustaldy jáne medıtsınalyq kómek alý úshin qalalyq aýrýhanalardyń birine jatqyzyldy. Qaýipti jaǵdaıda balany tastap ketý deregi boıynsha qylmystyq is qozǵaldy. Oqıǵanyń sebebi men mán-jaıy anyqtalyp jatyr, – dedi Túrksib aýdandyq polıtsııa basqarmasynyń bastyǵy Dýman Aýhadıev.

Eske salaıyq, jergilikti turǵyndar Chernyshevskıı kóshesindegi úılerdiń biriniń kireberisinen náresteni taýyp alǵan bolatyn. 

«Jedel járdem» qyzmetkerleriniń aıtýynsha, sábıdiń dúnıege kelgenine 1-2 saǵat qana bolǵan.