Almatyda sábılerdi satýmen aınalysqan qylmystyq top ustaldy

ALMATY. KAZINFORM – Ulttyq qaýipsizdik komıtetiniń Almaty qalasy boıynsha departamenti jáne qalalyq Uıymdasqan qylmysqa qarsy kúres basqarmasy qyzmetkerleri jańa týǵan sábılerdi satýmen aınalysqan qylmystyq toptyń áreketin áshkereledi.

Almaty qalasy polıtsııa departamentiniń málimetinshe, bul qylmystyq top birneshe jyl boıy jumys istep kelgen. Kúdiktiler áleýmettik osal toptaǵy áıelderden, sonyń ishinde shetel azamattarynan týǵan sábılerdi zańsyz jolmen alyp, satyp otyrǵan.

- Jedel is-sharalar barysynda jańa týǵan ul balany qomaqty aqshaǵa satý áreketi toqtatyldy. Kúdiktiler qylmys ústinde ustaldy. Sábı tıisti mekemege ornalastyryldy. Atalǵan derek boıynsha qylmystyq is qozǵaldy. Kúdiktiler qamaýǵa alyndy. Tergeý amaldary júrgizilip jatyr, sondaı-aq eldiń basqa óńirlerinde osyǵan uqsas derekterdiń bolýy múmkindigi de tekserilip jatyr, - dep habarlady polıtsııadan.

Eske salaıyq, buǵan deıin Almatyda balalar baıqaýyn uıymdastyrýshy alaıaqtyq jasady degen kúdikke ilingenin jazǵanbyz.