Almatyda jańa týǵan nárestelerdi saýdalaý isi boıynsha tergeý júrip jatyr
ALMATY. KAZINFORM – Almaty polıtsııasy kámeletke tolmaǵandardy saýdalaý boıynsha isti tergep jatyr.
Áleýmettik jelide Almaty áýejaıynda sheteldik azamattardyń ustalǵany týraly aqparat tarady. Otbasylyq jup sýrrogat anadan týǵan nárestelermen Qazaqstannan shyǵyp ketýge tyrysqany aıtylǵan.
Muny Almaty polıtsııa departamentiniń baspasóz qyzmeti rastady.
Almaty polıtsııa departamentiniń tergeý basqarmasy bul derek boıynsha QR Qylmystyq kodeksiniń 135-baby 1-bóligi (kámeletke tolmaǵandardy saýdalaý) boıynsha qylmystyq isti tergep jatyr.
— QR Qylmystyq-protsestik kodeksiniń 24-babynda kózdelgen istiń barlyq mán-jaıyn tolyq, obektıvti jáne jan-jaqty zertteý talaptary qamtamasyz etilip jatyr, — delingen habarlamada.
Vedomstvo Qylmystyq-protsessýaldyq kodekstiń 201-babyna (sotqa deıingi tergep-tekserý derekterin jarııalaýǵa jol bermeý) sáıkes, sotqa deıingi tergep-tekserý materıaldary jarııa etilmeıtinin málimdedi.
Eskes salaıyq, buǵan deıin elimizde jyl basynan beri adam saýdasyna qatysty 285 qylmystyq is tirkelgenin habarlaǵanbyz. Onyń 28-i kámelet jasyna tolmaǵan balalarǵa baılanysty.