Almatyda jańa perzenthana men jedel járdemniń qosalqy stantsııasy salynady

ALMATY. KAZINFORM – Densaýlyq saqtaý nysandaryn modernızatsııalaý aıasynda Almatyda eski ǵımarattar buzylyp, ornyna jańasy salynady. 

Bul týraly Almaty ákimi Erbolat Dosaev Medeý aýdany turǵyndarymen kezdesý kezinde aıtty.

– Osy jyldyń maýsym aıynda jedel járdem júıesin jańartý aıasynda eskisin buza otyryp, № 4 jedel járdem qosalqy stantsııasynyń jańa ǵımaratynyń qurylysy aıaqtalady. Bul medıtsınalyq qyzmettiń sapasy men tıimdiligin arttyrady, - dedi qala ákimi.

Budan bólek, tamyz aıynda «Dýman» shaǵyn aýdanynda bir aýysymda 500 kelýshige arnalǵan emhana qurylysyna JSQ ázirleý aıaqtalady. 

– «Alataý» emhanasyn rekonstrýktsııalaý, sondaı-aq eskisin buza otyryp, №2 perzenthananyń jańa ǵımaratyn salý josparlanyp otyr, - dep atap ótti Erbolat Dosaev.

Eske salaıyq, buǵan deıin atalǵan perzenthana eski jańa talapqa sáıkes kelmeıtini týraly jazǵan edik. 

1937 jyly salynǵan ǵımarat ábden tozǵan jáne qazirgi standarttarǵa sáıkes kelmeıdi. Jańa ǵımaratty jobalaý aıaqtalyp, 2025 jyldyń maýsymynda saraptama bastalady dep kútilýde.

Jumystyń aıaqtalý merzimi - 2026 jyldyń sońy.

Aıta keteıik, Almatyda densaýlyq saqtaý ınfraqurylymyn jańǵyrtýdy qarjylandyrý 2025 jyly 2,6 ese ulǵaıtylyp, 69,4 mlrd teńgege jetti.