Almatyda jańa metro beketiniń daıyndyǵy belgili boldy
ALMATY. KAZINFORM — Almatyda «Qalqaman» metro beketiniń qurylysy jalǵasyp jatyr.
Naýryzbaı aýdanynyń ákimdigi qalalyq metropolıten jańa stantsııasynyń daıyndyǵyn kórsetti. Táýligine 130 myń jolaýshyǵa qyzmet kórsetýge qaýqarly beket aldaǵy 6 aıda paıdalanýǵa berilmek. Qazirgi tańda qurylys jumystarynyń 97 paıyzy aıaqtalǵan.
— Joba aıasynda 350 oryndyq avtoturaq salynyp, turǵyndardyń jaıly ári qaýipsiz qatynaýy úshin zamanaýı kólik ınfraqurylymy qalyptastyrylady, — dep habarlady aýdan ákimdigi.
Aldaǵy ýaqytta «Qalqaman» beketinen «Barlyq» bazaryna deıin taǵy úsh stantsııa salynbaq. Jobanyń jalpy uzyndyǵy — 5,3 shaqyrym. Olar kelesi mekenjaılarda ornalasady:
* I stantsııa — Alataý dańǵyly boıynda, Naýryzbaı aýdany ákimdigi mańynda;
* II stantsııa — Alataý kóshesi Tóle bı kóshesimen qıylysatyn aýmaqta;
* III stantsııa — «Barlyq» bazary aýmaǵynda.
Eske salaıyq, buǵan deıin Almatydaǵy «Qalqaman» metro beketiniń ashylýy keıinge shegerilgenin jazǵanbyz.
Sondaı-aq «Qalqaman» metro beketinen «Barlyq» bazaryna deıin Almaty metropolıteniniń úshinshi kezegin salý jobasy boıynsha jobalaý-smetalyq qujattamany ázirlengeli jatqanyn jazǵanbyz.
