Almatyda jańa mekteptiń joly úshin 11 jer telimi májbúrli túrde alynady

ALMATY. KAZINFORM – Almaty qalasynyń ákimdigi Naýryzbaı aýdanynda ornalasqan 11 jer telimin memleket qajettiligine alý rásimi bastalǵanyn habarlady.

Tıisti qaýly (№ 3/470-1041) 2025 jyldyń 21 shildesinde qabyldanǵan. Jer ýchaskeleri «Jaıly mektep» jobasy aıasynda salynyp jatqan 1500 oryndyq mektepke aparatyn jol men avtoturaq ornyn salý maqsatynda alynyp otyr.

Bul jer telimderi «Quramys» jáne «Taýgúl-3» shaǵyn aýdandarynda, sondaı-aq «Geolog» pen «Aýyl sharýashylyǵy qyzmetkeri» baý-baqsha seriktestikterinde ornalasqan. Jalpy alynatyn jer aýmaǵy – 0,1094 gektar. Ýchaskelerdi memleket qajettiligine alý rásimin aıaqtaý merzimi 2027 jyldyń 31 jeltoqsanyna deıin belgilengen.

«Qala jer ortalyǵy» kásiporny málimetinshe, jer ıelerine zańda belgilengen tártippen habarlama joldanady. Olarǵa Almaty qalasynyń Jer qatynastary basqarmasy tártipke sáıkes ótemaqy tóleıdi. Jer alynǵannan keıin Qalalyq mobıldilik basqarmasynyń qaramaǵyna beriledi.

Eske salaıyq, buǵan deıin Almatynyń Medeý aýdanynda turǵyndardyń jeri mektep salý úshin memleket menshigine alynatynyn jazǵanbyz.

Sonymen qatar Almatyda «Atakent» aýmaǵyndaǵy jer telimi memleket qajetine alynatynyn jazǵan edik.