Almatyda jańa Konstıtýtsııaǵa qatysty feık taratqan turǵyn jazalandy

ALMATY. KAZINFORM – Almaty polıtsııasy áleýmettik jeliler men messendjerlerde Qazaqstannyń jańa Konstıtýtsııa jobasynda jerdi sheteldikterge satýǵa tyıym alynyp tastalǵany týraly jalǵan aqparat taratylǵanyn habarlady.

Departamenttiń málimetinshe, bul aqparat shyndyqqa sáıkes kelmeıdi jáne faktilerdi burmalaý bolyp esepteledi.

– Aýdanaralyq ákimshilik sot azamat A.-ny jalǵan aqparat taratqany úshin kináli dep tanyp, oǵan 20 AEK kóleminde aıyppul saldy, - delingen habarlamada.

Polıtsııa departamenti turǵyndardy tek resmı jáne tekserilgen aqparat kózderine senýge úndedi, sebebi jalǵan aqparat taratýdyń zań boıynsha jaýapkershiligi bar.

Eske salaıyq, buǵan deıin Jalǵan aqparatqa qarsy is-qımyl ortalyǵy Qazaqstan Respýblıkasynyń jańa Konstıtýtsııasy jobasynyń mátininde sheteldikterge jer satýǵa tyıym salý alynyp tastaldy degen jalǵan aqparat taralǵanyn habarlaǵan edi.

Ortalyq atalǵan aqparattyń shyndyqqa sáıkes kelmeıtinin jáne faktilerdi burmalaý bolyp sanalatynyn málimdedi.