Almatyda «Jańa Qazaqstan. Taza tabıǵat» atty qalalyq senbilik ótedi

Almatyda qalalyq máslıhat pen ekologııalyq birlestikterdiń bastamasymen 21 qazanda «Jańa Qazaqstan. Taza tabıǵat» atty qalalyq senbilik ótedi, dep habarlaıdy Kazinform.

Almaty ákimdiginiń málimetinshe, senbilik aıasynda qala, demalys aýmaqtary, saıabaqtar, skverler men aýlalarda tazalyq jumystary júrip, aǵash otyrǵyzý josparlanǵan (oǵan 10 myńǵa jýyq túp aǵash ázirlendi).

«Almaty ákimdigi kóshetterdi jáne egýge arnalǵan jabdyqtardy (qolǵaptar, qaptar, kúrek, tyrmalar) usynyp, qatysýshylardy sýmen qamtamasyz etedi, jınalǵan qoqysty polıgonǵa shyǵarady. Іs-shara ótetin barlyq aýmaqta kontsert pen 15 mınýttyq jattyǵý mádenı oıyn-saýyq baǵdarlamalary qarastyrylǵan», - delinedi ákimdiktiń habarlamasynda.

Senbilik ótetin negizgi oryndar:

1. «Kók-tóbe» baýraıynda (Shyǵys aınalma avto joly jaqta),
2. Almaty ındýstrııalyq aımaǵy men «Batys» zıratynyń sanıtarlyq-qorǵaý aımaǵy arasyndaǵy ýchaske,
3. «ALA» saıabaǵy,
4. «Kók Qaınar» shaǵyn aýdany (Boraldaı ózeniniń jaǵasynda).

Sondaı-aq kommýnaldyq qyzmetterdiń qatysýymen jergilikti senbilikter ár aýdanda ótedi:

Túrksib aýdany:
1. Baým toǵaıy, Úlken Almaty kanaly boıy (Súıinbaı dańǵylynan Seıfýllın dańǵylyna deıin),
2. «Jas Qanat» shaǵyn aýdany (1/33 úıdiń aldynda), dene shynyqtyrý-saýyqtyrý kesheniniń janynda.

Jetisý aýdany:
1. «Aınabulaq-4» shaǵyn aýdany (190 úıdiń aldynda).

Medeý aýdany:
1. «Kók-tóbe» baýraıy.

Almaly aýdany:
1. Saıran kóliniń shyǵys jaǵalaýy.

Áýezov aýdany:
1. Saıran kóliniń batys jaǵalaýy.

Alataý aýdany:
1. Boraldaı ózeniniń jaǵasy, «Kókqaınar» shaǵyn aýdany.
Bostandyq aýdany:
1. «Dostyq» saıabaǵy (Tımırıazev - Shashkın kósheleriniń qıylysy).
Naýryzbaı aýdany:
1. «Shuǵyla» shaǵyn aýdany, Abaı dańǵylynyń ońtústigi men Alataý kóshesiniń shyǵysyndaǵy bos ýchaske.