Almatyda jańa beton nelikten qaıta buzylyp jatyr — ákimdik jaýaby

ALMATY. KAZINFORM — Almatylyqtar Esentaı ózeni jaǵalaýynda jańadan quıylǵan betonnyń qaıta buzylǵanyna shaǵymdanyp jatyr.

Qala turǵyny áleýmettik jelide Esentaı ózeni jaǵalaýynyń jóndeý júrgizilgen aýmaǵy qaıtadan buzylyp jatqanyna shaǵymdandy.

Almaty ákimdigi atalǵan jaǵdaıǵa baılanysty túsinikteme berdi. Resmı málimetke sáıkes, jaǵalaýdaǵy beton buryn anyqtalǵan aqaýlardyń saldarynan buzylyp jatyr

— Tekseris kezinde beton quıý jumystaryn durys oryndamaý faktisi anyqtaldy. Jobany iske asyrýdaǵy basty talap — sapa. Kórsetilgen eskertýlerdi joıý jumystary merdiger uıymnyń óz qarajaty esebinen, ıaǵnı bıýdjet qarajatyn paıdalanbaı júrgizilip jatyr, — dep habarlady ákimdikten.

Eske salaıyq, Esentaı ózeniniń jaǵalaýyn kórkeıtýge 11 mlrd teńge jumsalatynyn jazǵanbyz.