Almatyda jańa avtobýs marshrýty iske qosylady
ALMATY. KAZINFORM — Almatyda 6 maýsymnan bastap jańa qoǵamdyq kólik júre bastaıdy.
Qalalyq mobıldilik basqarmasynan málim etkendeı, №101 baǵytty ekige bólý arqyly jańa avtobýs marshrýty uıymdastyrlady.
Oǵan «BUSWAY» JShS qyzmet kórsetip kelgen.
— Alǵashynda Bostandyq aýdany turǵyndarynyń ótinishimen shaǵyn avtobýstan turatyn №101 marshrýt ashylǵan bolatyn. Alaıda ýaqyt óte kele baǵyt 60 shaqyrymǵa deıin uzaryp, jolaýshylar sany edáýir artty. Osyny eskere otyryp, qalalyq mobıldilik basqarmasy №101 baǵytty ekige bólý týraly sheshim qabyldady, — delingen habarlamada.
Osylaısha 6 maýsymnan bastap «Avtopark – Arman avtobeketi» baǵytyndaǵy №101 marshrýtqa úlken syıymdylyqtaǵy 14 avtobýs qyzmet kórsetedi. Al «Heılıberı mektebi – Arman avtobeketi» baǵytyndaǵy №64 marshrýt taýly aımaqtarǵa arnalǵan 8 shaǵyn avtobýspen qamtamasyz etiledi.
Aıta keteıik, bıyl ákimdik gazben júretin qosymsha 600 avtobýs satyp alýdy josparlap otyr.
Budan bólek, jeke tasymaldaýshylar tarapynan 800 gazben júretin avtobýs jáne 118 elektrobýs satyp alý kózdelgen.