Almatyda jańa avtobýs baǵyty iske qosylady

ALMATY. KAZINFORM – Almatyda 4 sáýirden bastap №130 avtobýs baǵyty iske qosylady. 

Jol qozǵalysyn uıymdastyrý jáne jolaýshylar kóligi basqarmasynyń málimetinshe, atalǵan marshrýtqa «Almatyelektrotrans» JShS qyzmet kórsetedi. Kún saıyn jelige Yutong markaly 15 avtobýs shyǵady. 

– Bul – uzyndyǵy 10 metr bolatyn zamanaýı tómen edendi avtobýstar. Árqaısysyna 80 jolaýshyǵa deıin syıady jáne qarbalas ýaqytta jolaýshylarǵa tıimdi qyzmet kórsetýge múmkindik beredi. Qozǵalys aralyǵy – 9 mınýt, - dep habarlady basqarmadan. 

№ 130 baǵyt «Qalqaman» shaǵyn aýdanyndaǵy № 7 qalalyq klınıkalyq aýrýhanadan Kóktóbe aıaldamasymen deıin qatynaıdy. Baǵyttyń jalpy uzyndyǵy – 21,5 km. Avtobýstar kún saıyn saǵat 05:30-dan 23:00-ge deıin júredi. 

Marshrýt Raıymbek batyr, Seıfýllın, Dostyq dańǵyldary, Sátbaev kóshesi jáne qalanyń basqa da mańyzdy kósheleri arqyly ótedi. Sondaı-aq avtobýstar buryn qoǵamdyq kólik júrmegen Buqar jyraý býlvary boıymen de qatynaıdy. 

Jańa baǵyt qalanyń batys jáne ortalyq bólikteri arasyndaǵy baılanysty jaqsartpaq. 

Eske salaıyq, Almatynyń bir kóshesinde qozǵalys jazǵa deıin shekteledi.