Almatyda jańa avtobýs baǵyty iske qosylady
ALMATY. KAZINFORM — 22 qarashadan bastap Almaty qalasynda jańa avtobýs baǵyty iske qosylady.
Almaty kólik holdınginiń málimetinshe, № 84 marshrýt Móńke bı — Baýyrjan Momyshuly — Raıymbek batyr — Ońǵarsynova kósheleri boıynsha júretin bolady.
— Eki baǵytta 6 avtobýs 20 mınýt aralyǵymen qatynaıtyn bolady, — dep habarlady holdıng.
Eske salaıyq, buǵan deıin Almatyda № 101 baǵytyn ekige bólý arqyly jańa avtobýs marshrýty uıymdastyryldy. «Avtopark — Arman avtobeketi» baǵytyndaǵy № 101 marshrýtqa úlken syıymdylyqtaǵy 14 avtobýs qyzmet kórsetip júr. Al «Heılıberı mektebi — Arman avtobeketi» baǵytyndaǵy № 64 marshrýt taýly aımaqtarǵa arnalǵan 8 shaǵyn avtobýspen qamtamasyz etildi.
Sondaı-aq BRT jelisiniń qurylysy aıaqtalǵan soń, Jeltoqsan kóshesimen eki baǵytta jańa avtobýs baǵyttary júretinin jazǵanbyz.