Almatyda jańa avtobýs baǵyty ashyldy
ALMATY. KAZINFORM – Almatyda jańa №145 avtobýs baǵyty qatynaı bastady.
Jol qozǵalysy jáne jolaýshylar kóligin uıymdastyrý basqarmasynyń málimetinshe, baǵytqa «Almatyelektrotrans» JShS qyzmet kórsetedi. Kún saıyn jelige Yutong markaly 5 avtobýs shyǵady. Bul — zamanaýı 9 metrlik avtobýstar. Avtobýstardyń ortasha qozǵalys aralyǵy shamamen 14 mınýt bolady.
- Ár avtobýs 60 jolaýshyǵa deıin tasymaldaýǵa arnalǵan, bul qarbalas ýaqytta jolaýshylarǵa tıimdi qyzmet kórsetýge múmkindik beredi. Jyljymaly quram joǵary jaılylyǵymen, keń syıymdylyǵymen, birqalypty qozǵalysymen erekshelenedi jáne qaýipsizdik pen ekologııalyq talaptarǵa tolyq sáıkes keledi, - dep túsindirdi basqarmadan.
№145 marshrýt «Almaty-2» vokzalyn Gagarın–Jandosov kósheleriniń qıylysyndaǵy aıaldamamen baılanystyrady. Qoǵamdyq kólik Raıymbek batyr dańǵyly, Abaı dańǵyly, Gagarın dańǵyly jáne Áýezov kóshesi sekildi negizgi qalalyq magıstraldar arqyly ótedi. Baǵyttyń jalpy uzyndyǵy — 16,9 shaqyrym. Avtobýstar kún saıyn saǵat 06:00-den 22:00-ge deıin qatynaıdy.
Eske salaıyq, keshe almatylyq LRT astanalyq jobadan nesimen erekshelenetinin jazǵanbyz.
