Almatyda jańa arqan joldardyń qurylysy úshin jer telimderi alynady
ALMATY. KAZINFORM — Almatyda taý klasterin damytý jobasy aıasynda memleket muqtajyna jer ýchaskeleri alynady.
Almaty qalasy ákimdiginiń 2026 jylǵy 27 sáýirdegi № 2/195-562 qaýlysyna sáıkes, Almaty taý klasterin qalyptastyrý, arqandy jol bazalyq stantsııalarynyń qurylysy úshin Medeý aýdany, Alma-taý kóshesi boıynda ornalasqan 4 jer ýchaskesi memleket muqtajyna alynady. Májbúrlep ıelikten shyǵarý merzimi 2027 jyldyń 31 jeltoqsanyna deıin belgilengen.
«Qala jer ortalyǵy» kásiporny zańnamada belgilengen tártippen menshik ıelerin habardar etedi. Al Almaty qalasy jer qatynastary basqarmasy zańnamamen belgilengen tártipte jer ýchaskeleriniń menshik ıelerine ótemaqy tóleıdi. Jer telimderi tolyq satyp alynǵannan keıin Almaty qalasy týrızm basqarmasynyń teńgerimine ótedi.
Eske salaıyq, Almaty taý klasterin damytýǵa 526 mlrd teńge jumsalady. Joba aıasynda taý shańǵysy kýrorttary keńeıtiledi jáne biryńǵaı júıege biriktiriledi. 30 aspaly jol jáne 161 shaqyrym jaıaý júrginshiler joly salynady. Bul bir jylda 5 mıllıon týrıst kelýine múmkindik beredi. Onyń 1,7 mıllıony sheteldik saıahatshy bolady dep boljanyp otyr.
Premer-mınıstr Oljas Bektenov Almaty taý klasteri men Almaty Superski jobalaryn jedeldetýdi tapsyrdy.
