Almatyda jalpy sý paıdalaný qaǵıdalary ózgerdi: neni bilý qajet

ALMATY. KAZINFORM – Almatyda qalalyq máslıhattyń kezekten tys XXHІI sessııasy ótti.

Sessııa barysynda jańartylǵan sý kodeksine sáıkes ázirlengen Almaty qalasynda jalpy sý paıdalaný qaǵıdalary bekitildi. Almaty qalasy ekologııa jáne qorshaǵan orta basqarmasynyń basshysy Mıras Gaısınniń aıtýynsha, qujat turǵyndardyń sý aıdyndaryna erkin qol jetkizýin, qorshaǵan ortany qorǵaýdy jáne sanıtarlyq talaptardyń oryndalýyn qamtamasyz etýge baǵyttalǵan.

- Azamattardyń sý aıdyndaryna týrızm, demalys jáne balyq aýlaý úshin kedergisiz qol jetkizý quqyǵyn kózdeıtin qoǵamdyq sý servıtýty qaǵıdaty bekitildi. Ortaq sý paıdalanýdyń ákimshilik ınstıtýty engizildi. Ol sý aıdyndarynda eskertý belgilerin ornatý, halyqty aqparattandyrýǵa jaýapty bolady, - dedi Mıras Gaısın.

Sonymen qatar jańa qaǵıda boıynsha qurylys jumystary júrip jatqan, qorshaýlar ornatylǵan ne arnaıy belgiler qoıylǵan jerlerde shomylýǵa tyıym salynady.

Eske salaıyq, buǵan deıin Almaty ákimdigi Saıran kólindegi tyıymǵa qatysty túsinikteme berdi.