Almatyda jalǵan «UQK qyzmetkeri» zeınetkerge qol kóterdi

ALMATY. KAZINFORM — Almatyda jol-kólik oqıǵasy janjalǵa ulasty. Kıkiljiń kezinde jas jigitterdiń biri múmkindigi shekteýli zeınetkerge qol kótergen. Oqıǵanyń beınejazbasy áleýmettik jelide tarady. 

Beınejazbada janjalǵa qatysqan jigitterdiń biri ózin UQK qyzmetkeri retinde tanystyrǵany aıtylǵan.

Almaty qalasynyń Polıtsııa departamenti kıkiljińge qatysqan azamattardyń is-áreketine quqyqtyq baǵa beriletinin habarlady.

— Bostandyq aýdandyq polıtsııa basqarmasy jol-kólik oqıǵasy boıynsha tergeý júrgizip jatyr. Vıdeodaǵy er adamnyń kim ekeni anyqtaldy. Onyń quqyq qorǵaý organdaryna eshqandaı qatysy joq. Kúdiktiniń áreketine quqyqtyq baǵa berilip, tıisti sharalar qoldanylatyn bolady, — dep habarlady qalalyq PD baspasóz qyzmeti.

Eske salaıyq, buǵan deıin Almatyda stýdentter arasynda jappaı tóbeles bolǵanyn jazǵanbyz. 

Ál-Farabı atyndaǵy QazUÝ jappaı tóbeleske baılanysty málimdeme jasady.