Almatyda jalǵan týrmen jarnama jasap, aqshany qaltaǵa basqan áıel ustaldy

ALMATY. KAZINFORM — Almatyda shetelge saıahat uıymdastyrýdy syltaý etip, azamattardy aldaǵan 26 jastaǵy áıel ustaldy.

Almaly aýdandyq polıtsııa basqarmasynyń málimetinshe, kúdikti áleýmettik jeli arqyly týrıstik agenttik atynan habarlasyp, jábirlenýshilerge shetelge sapar ýáde etken. Alaıda aqshany alǵannan keıin, ol ýádesin oryndamaǵan.

Qazir onyń osyǵan uqsas basqa da qylmystarǵa qatysy bar-joǵy tekserilip jatyr. Kúdikti ýaqytsha ustaý ızolıatoryna qamaýǵa alyndy.

Polıtsııa turǵyndarǵa týrıstik qyzmetterdi tańdaýda saq bolýdy eskertedi.

— Kompanııanyń bedelin aldyn ala tekserip, resmı kelisimshart jasańyz jáne joldamany tek zańdy tulǵanyń resmı rekvızıtteri arqyly tóleńiz. Internettegi beıtanys adamdarǵa aqshańyzdy bermeńiz, — dedi Almaly aýdandyq polıtsııa basqarmasy bastyǵynyń orynbasary Erjan Orazaev.

Eske salaıyq, buǵan deıin Almatyda alaıaqtar nómir aýystyrýǵa paıdalanatyn Sim-Box jabdyǵy tárkilengenin habarlaǵan edik.