Almatyda jalǵan shot-faktýralar arqyly memleketke 245 mln teńge shyǵyn keltirgender sottaldy
ASTANA. KAZINFORM — Almatyda jalǵan shot-faktýralar jazyp berý arqyly salyq tóleýden jaltarǵan eki adamǵa qatysty sot úkimi shyqty. Olardyń áreketinen memleketke 245 mln teńge shyǵyn kelgen.
Tergeý barysynda bir top adamnyń taýarlardy is júzinde jetkizbeı, jumystar men qyzmetterdi oryndamaı-aq jalǵan shot-faktýralar jazyp berý shemasyn uıymdastyrǵany anyqtaldy.
Atalǵan fakti boıynsha is Almaty qalasy prokýratýrasynyń Sotqa deıingi tergep-tekserýlerdiń biryńǵaı tiziliminde tirkelip, protsestik prokýrordyń baqylaýynda boldy.
Sot QR Qylmystyq kodeksiniń 216-baby 3-bóligi boıynsha eki adamdy kináli dep tanydy. Olardyń biri qylmysty uıymdastyrsa, ekinshisi oǵan kómektesken. Ekeýi de sot zalynda qamaýǵa alyndy.
Almaty prokýratýrasy ekonomıkalyq qylmystardy anyqtaý jáne jolyn kesý, memlekettik múddelerdi qorǵaý baǵytyndaǵy jumysty jalǵastyryp jatyr.
Eske salaıyq, buǵan deıin Astanada jetim balalarǵa arnalǵan páterlerdi jalǵan qujatpen ıemdenbek bolǵandar ustalǵanyn habarlaǵanbyz.
