Almatyda jalǵan marapat taratqan azamat jaýapqa tartyldy

ALMATY. KAZINFORM – Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty memlekettik nagradalardy zańsyz taǵý jáne ıemdený deregi boıynsha azamat K.-ǵa qatysty isti qarady.

Sotta anyqtalǵandaı, 2025 jylǵy jeltoqsan aıynda K. Ulttyq kitaphana ǵımaratynda dóńgelek ústel uıymdastyryp, tıisti ruqsaty men ókilettigi bolmaǵanyna qaramastan, memlekettik nagradalarǵa uqsas ataýlary men syrtqy belgileri bar marapattardy tabystaǵan.

- Atalǵan áreket QR Ákimshilik quqyq buzýshylyq týraly kodeksiniń 674-babynyń 2-bóligi boıynsha saralandy. Bul bap jeke tulǵalarǵa – 5 aılyq eseptik kórsetkish, laýazymdy tulǵalarǵa – 10 aılyq eseptik kórsetkish mólsherinde aıyppul salýdy, sondaı-aq zańsyz paıdalanylǵan belgilerdi tárkileýdi kózdeıdi, - dep jazdy Almaty sottarynan.

Sot qaýlysymen K. kináli dep tanylyp, oǵan 5 aılyq eseptik kórsetkish (19 660 teńge) mólsherinde aıyppul túrindegi ákimshilik jaza taǵaıyndaldy. Zańsyz paıdalanylǵan belgiler tárkilendi.

Sot qaýlysy zańdy kúshine engen joq.

Aıta keteıik, Aqtóbede bir jylda jarylǵysh zat týraly 20 jalǵan habarlama túsken.