Almatyda jalǵan qujat boıynsha 108 mln teńge zeınetaqy artyq tólengen
ALMATY. KAZINFORM — Almatyda áleýmettik tólem men járdemaqy alatyndardyń sany 692 myńǵa jýyqtady.
Áleýmettik qorǵaý salasyndaǵy retteý men baqylaý komıtetiniń Almaty departamentiniń basshysy Murat Muratbekovtyń aıtýynsha, bıyl jarty jylda almatylyqtarǵa bala týý men bala kútimine baılanysty 16 107 járdemaqy, 9 510 memlekettik bazalyq zeınetaqy, jasyna baılanysty 8 661 zeınetaqy tólemi, jerleýge arnalǵan 4 857 birjolǵy tólem, múgedektikke baılanysty 1 945 járdemaqy men kópbalalylarǵa 1 926 járdemaqy taǵaıyndalǵan.
Onyń ishinde áleýmettik tólemderdi zańdy negizde taǵaıyndaý máselesi de nazarǵa alynǵan. Tsıfrlandyrý men baqylaýdy kúsheıtý aıasynda departament 7 myńnan astam zeınetaqy isin teksergen. Sonyń nátıjesinde 82 jaǵdaıda jalǵan qujatty paıdalaný faktisi anyqtalyp, artyq tólengen qarajat kólemi 108 mln teńge boldy. Qazirgi ýaqytta onyń 70 mln teńgesi bıýdjetke qaıtaryldy.
— Memlekettik bıýdjetten bólingen ár teńge zań boıynsha ony alýǵa quqyly azamattarǵa ǵana berilýi tıis, — dedi departament basshysy.
Eske salaıyq, Almatyda jumystan aıyrylýyna baılanysty tólem alatyndar sany 60%-ǵa kóbeıgen.
