Almatyda jalǵan ınternet-dúkender arqyly adamdardy aldaǵan áıel ustaldy
ALMATY. KAZINFORM – Almatyda ınternet-alaıaqtyq deregi áshkerelendi.
Qalalyq Polıtsııa departamentiniń málimetinshe, kóılek satý syltaýymen azamattardy aldaǵan kúdikti áıel ustaldy.
Tergeý barysynda onyń Instagram áleýmettik jelisinde jalǵan paraqshalar ashyp, áıelder kıimin satatyny jóninde habarlandyrý jarııalaǵany anyqtalǵan. Ol satyp alýshylardan aldyn ala tólem aýdarýdy surap, qarajat túskennen keıin baılanysqa shyqpaı, akkaýnttardy buǵattap, hat-habarlardy óshirip otyrǵan.
- Qazirgi ýaqytta kúdikti ustalyp, oǵan qatysty tergeý amaldary júrgizilip jatyr. Sondaı-aq osyǵan uqsas basqa da ınternet-alaıaqtyq faktilerine qatysy bary tekseriledi, - dep habarlady departamentten.
Alataý aýdandyq polıtsııa basqarmasynyń bastyǵy Edilhan Baıǵaraev onlaın satyp alý kezinde barynsha saq bolýǵa, beıtanys tulǵalarǵa aqsha aýdarmaýǵa jáne satýshylardy aldyn ala tekserýge shaqyrdy.
Eske salaıyq, ІІM áleýmettik jelidegi tanysý týraly jazbalardyń artynda alaıaqtar turýy múmkin ekenin eskertti.