Almatyda jalǵan «Apple» ónimderi tárkilendi

ALMATY. KAZINFORM – Almatyda 5,6 mln teńgeniń jalǵan «Apple» ónimderi tárkilendi.

Almaty qalasynyń Ádilet departamenti Apple ónimderiniń taýar belgileriniń zańsyz paıdalanylýy boıynsha «D» kásipkerlik sýbektisine qatysty jospardan tys tekserý júrgizdi.

– Tekserý barysynda 5 600 000 teńge somasyna 1300-den astam kontrafaktilik taýar anyqtaldy, – dep habarlady departamentten.

Qazir is boıynsha barlyq materıaldar Qazaqstan Respýblıkasynyń qoldanystaǵy zańnamasyna sáıkes protsessýaldyq sheshimder qabyldaý úshin sotqa jiberildi.

Osyǵan deıin Almatyda Zielinski Rozen, Duracell, Lego jáne Apple sııaqty tanymal brendterdiń kóshirmesi tárkilengen bolatyn.