Almatyda jabaıy saýdamen aınalysqan 80 saýdager ákimshilik jaýapkershilikke tartyldy
ALMATY. KAZINFORM — Almatyda polıtseıler jabaıy saýdanyń aldyn alý, abattandyrý erejeleriniń saqtalýyn baqylaý jáne qoǵamdyq oryndardy lastaý faktilerin anyqtaý maqsatynda reıd júrgizdi.
Qalalyq polıtsııa departamentiniń málimetinshe, «Baraholka» atymen tanymal bazarda zańsyz qoıylǵan saýda núkteleri anyqtalyp, barlyǵy tolyqtaı joıylǵan.
— Reıd nátıjesinde 80-nen astam azamat ákimshilik jaýapkershilikke tartyldy. Olardyń arasynda óz aýmaǵynda tıisti tártipti qamtamasyz etpegen bazar ákimshiligi de bar. Bizdiń mindetimiz — megapolıste quqyq tártibin qamtamasyz etý, tazalyqty saqtaý jáne turǵyndar úshin qaýipsiz, qolaıly jaǵdaı qalyptastyrý, — dedi jergilikti polıtsııa qyzmeti basqarmasynyń bastyǵy Ashat Qulbaev.
Polıtsııa kásipkerler men qala turǵyndaryn abattandyrý qaǵıdalaryn jáne zań talaptaryn saqtaýǵa shaqyrdy.
Eske salaıyq, buǵan deıin «Baraholkada» 67 zańsyz saýda nysany buzyldy.